Select an Image

header photo

تاریئل امید

 

 

تاریئل امید

ایرانلی مهاجرلر جمعیتی ادبی بیرلیین صدری

 

فرقه عشقیم

بیلطینین سطرلری

اومید اولان آرزو اولان.

سیراسیندا نسیل- نسیل

اوغلو اولان، قیزی اولان.

فرقم سلام!

حزبیم سلام!

سن یئنه ده سنگرلرده

یاشا دولدون.

من سنینله دوغولموشدوم،

بو گون سنله یاشید اولدوم.

دوغما فرقم،

عزیز حزبیم.

منی دینله؛

منیم سؤزوم، صحبتیم وار

بو گونونله.

بو گونونه گلیب چاتا

بیلمزلرین،

آزادلیغین اوغوروندا.

اؤلوب گئتمیش اؤلمزلرین،

ستار خانین توفنگینی،

فیریدونون سؤن سؤزونون

آهنگینی،

بو گونونه گتیرمیشم.

اوغوروندا، خیابانی عمرو

سولدو.

پیشه وری سندن اؤترو

هلاک اولدو.

بو آزادلیق یوللاریندا.

قیریلدیلار نئچه‌ لری.

اؤلوم توتدو، قان بورودو

کوچه ‌لری.

عقیده ‌دن دؤنمه ‌ینلر

یئنه اولدو.

فرقم یئنه سیرالارین

آرتدی، دولدو.

بو توفانلار، بو اؤلوملر،

سیندیرمادی عشقیمیزی.

بیر خلق کیمی زامان اؤزو

یئتیشدیردی یئنه بیزی.

من دئمیرم بیر دفعه ‌لیک

آزادلیغی ایتیرمیشیک.

دوغما فرقم!

عزیز حزبیم!

بیز روزبحی بو گونونه

گتیرمیشیک!

 

مهاجرتده

طالعییم، چتینه دارا دوشنده،

سن اولدون قارداشیم الیمدن توتان.

بؤیوک آزادلیغی تاپمیشام سنده،

منه دایاق اولدو خلقیم هر زامان.

سینه ‌نی آرازین اوستونه آچدین،

باشیمین اوستونه گولّه یاغاندا

سؤنموشدوم، اود وئردین یاندیم، آلیشدیم،

قول، بویون اولموشوق تویدا، نیشاندا.

جنوب، شیمال دئییب بوتؤولشمیشیک،

بیریمیز گونشیک- بیرمیز آییق.

قارداش ایشیغینا بیز اؤیرشمیشدیک،

هله کی، نه قدر قارانلیقداییق.

باکی – تبریز اولوب، دوغمامیشدی

شهر ده دوغمادی، دوغمادی کند ده.

قارداش – قارداش ایله قوجاقلاشیبدی،

بیز وطن تاپمیشیق مهاجیرتده! 

Go Back

Comment