Select an Image

header photo

عارف صفا

مبارز شاعر عارف صفانین وفاتینین ایل دونومو عرفه سینده

سونوجو یادگاری «آزادلیق» 

اونون ئوتن ایلین سنتیابریندا ٨٥ یاشینی قید ائدجه ییک. لاکن طالعین آمانسیز کولکلری مارتین ٢- ده هارف صفانی دا سیرالاریمیزدان آپاردی. بیزه ائله گلیر کی، مبارز و نغمه کار شاعر ینه سیرالاریمیزدادیر. هر تدبیریمیزین داها  جانلی و ماراقلی کیچمه سی ایچون سوز بوخچاسینی آچیر، اورادان تپ- تزه دورلریندن چیخاریب خیردالاییر، کونوللریمیزی اوخشاییر. بیز موضویا وفاتینین ایلی عرفه سیسنده قاییداجاغیق. اما ائله بیلیریک کی، ١٩٢٩- جو ایلده آشقاباددا آنادان اولان، سید عظیم شیروانینین آنا طرفدن نتیجه سی، « ٢١آذر» انقلابینین شاهدی، گنجلر تشکیلاتینین فعالیتینده ایشتیراک ایدن، دایم سمیمیتی، فرقه میزه قلبأ باغلیلیغی ایله سیچیلن، بو محبتی پوئزیاسیندا، هم چینین شخصی داورانیشیندا ایانی گوسترن عارف صفامیزا قالان بیر بورجوموزلا دا ئودمه لییک. تقدیم ایده جییمیز «آزادلیق» شعری «سحو ایدرم بلکه ده» و «قزللر و گوزللر»، سید عظیم شیروانینین نوسی سعادت خانیمین «آغلی- قارالی گونلری» کتابلاری معلفینین زنگین یارادیجیلیغینین آپاریجی خطینین نمونه لریندندیر. س.ز ویرمیشدیک درج ایده جییک، روحو شاد اولسون!

آذربایجان دمکرات فرقه سی

 

آزادلیق

بو آزادلیق ندیرکی

اونا باغلانمیشیق بیز؟

اونا قوووشماق ایچون

یانیب داغلانمیشیق بیز.

بو یولدا گنج لییمیز

یاشا دولدو، قوجالدی،

ینه آزادلیق عشقی

کنلوموزده اوجالدی.

بو آزادلیق ندیرکی،

انسان اونون یولوندا

زندانلارا آتیلیر،

اسیرتک سورگون اولوب

ظولمتلره قاتیلیر؟

بو آزادلیق ندیرکی،

سینهمیزه حک اولوب،

کوکسوموزده چیرپینان

ایکینجی اوره ک اولوب؟

بو عشقی، بو سئوگینی

حانسی میارلا اولچک؟

بو سودادان بیز نجه

اوز چویره ک، ال چکک؟

بو آزادلیق ندیرکی

او بیزی گجه – گوندوز

عصیانلارا سسله ییر؟

دونوب جوشغون دنیزه

قوجاغیندا بسله ییر.

بو آزادلیق نه دیرکی،

اونون پارلاق اوزونه

هیچ کس لکه وورانماز،

اونون آچیق آلنینا

قارا کولگه سالانماز.

بو آزادلیق ندیرکی،

اونو درک اده نلرین

گوجو، قدرتی آرتیر،

عمرو ینیدن آرتیر؟

بو آزادلیق نه دیرکی،

اونون هر گلی شیندن

قوشالاشیر نغمه لر

جوشوب، داشیر نغمه لر؟

بو آزادلیق ندیرکی،

اونون هر گولوشوندن

اوچوب گیدیر دومانلار

باتیر یرین دیبینه

قارانلیق لار، یالانلار؟

بو آزادلیق ندیرکی،

اونو سئونلرین

گوزونده حیات سونور،

اوره یی داشا دونور؟

منیم آزادلیغیمی

سورگونه گوندریبلر،

نچه-  نچه ئولکه یه

باشیما دویه – دویه.

بو آزادلیق ندیرکی،

اونو تکرار دمکدن

یورولماییر دیلی میز؟

اونون زیروه لرینه

بو گون چاتمیر الی میز،

نه دن چاتمیر الی میز؟

 

Go Back

Comment