header photo

تاریخی بیر سند

"دیل" ژورنا‌لی

(بو ژورنال مطبوعات آزادلیق جبهه‌سی‌نین عضوو اولموش)

تاریخی بیر سند

آذربایجان قیامی ایرانین قیامی‌دیر.

آذربایجانین قیامی دؤرد ایللیک مورتجع ایران دؤولت‌لرینه و هابئله صدرالاشرافلار حکومتینه قارشی بیر رئاکسیا‌دیر. مشروطه اینقلابی‌نین تمه‌لی بو مقدس حرکاتین واسطه‌سیله محکملشدیگی اوچون ایران خالقی دئموکراتیانین قوخوسونو حس ائده‌جک.

مورتجعلر و خائنلر اؤز مکیرلی دوشونجه‌لرینی یایا‌راق آذربایجانین آزادلیق‌سئور خالقینی لکه‌لمکله، ستار خان‌لارین، خیابانی لرین اوجاغینی کور ائتمک ایستییرلر. اونلار سون‌سوزا قدر پارلامئنتی، دؤولتی بیر اووج تالانچی‌لارین و اوغرولارین مئیدانینا چئویرمیک ایستیییرلر. بیز بو واسطه ایله هر بیر صینیف یاخود طبقه‌دن اولان مورتجئ و خانین‌لرین عمل‌لرینه درین‌دن نیفرت ائدیریک. بو حرکاتی و اوندان یارانان میللی مج‌لی‌سی اوموم ایران خالقینا تبریک دئییریک. سون اولا‌راق قئید ائدیریک کی، آذربایجان مسئله‌سی آذربایجان‌لی‌لارین اؤزلری طرفین‌دن حل اولونما‌لی‌دیر. اونلار کی، بو مقدس ایشده تهدید و قورخو ایله اجنبی‌لرین موداخیله ائتمه‌سینی ایستییر و بو یوللا لیللنمیش سودان بالیق توتوماق فیکرینده اولدوق‌لارینی بیان ائدیرلر. دئمک قارداش قیرغینی سالماقلا بو آلتی مین ایللیک اؤلکه تاریخینی داغیتماقلا ایران مشروته اینقیلابینا خیانت ائدیرلر. بون‌لار ایرانین آزادلیق و خوشبخت‌لیگی‌نین دوشمن‌لری ساییلیر.

کارلار و لال‌لار مکتبی‌نین مدیری باغچابان

"دیلگ نشریه‌سی‌نین باش مقاله‌سی

مؤلف: کارلار و لال‌لار مکتبی‌نین مدیری باغچابان

10-جی سایی تاریخ: آبان آیی 1324-جی گونش ایلی

Go Back

Comment