header photo

اوکتبابر بایرامی بوتون دنیا زحمتکشلرینین بایرامیدیر.

October 24, 2017

اوکتبابر بایرامی بوتون دنیا زحمتکشلرینین بایرامیدیر.

دنیا  صلحینی حفظ ائتمک اوغروندا بوتون زحمتکشلر سارسیلماز بیر اتحاد تشکیل وئرملیدیرلر.

یاشاسین کوله لیک رسمینی لغو ائدن شانلی اوکتیابر بایرامی!

دونن اوکتیابر بایرامینی بوتون بشریتین دنیا زحمتکشلری صلح شرائیطینده جشن توتورلار. اوکتیابر بایرامینین ۲٩- جو ایل دونومو آلمان فاشیزمی و ژاپن امپریالیزمینین محو اولدوغو بیر زاماندا آزادیخواه و صلح سئوه ن ملتلر طرفیندن جشن توتولور. بو گون بوتون زحمتکشلرین قوه لری بوتون یئر اوزونده نمایش ائتدیریلر. محاربه زمانیندا محاربه نین ان آغیر و چتین شرطلری زحمتکشلرین عهده سینه اولاراق زحمتکشلر اؤز سارسیلمازقدرتلرینی ییرتیجی فاشیزم قوه لرینه و هابئله فاشیزم جاناوارینی اؤز قوجاغیندا بئجه ره ن دنیا امپریالیزمینه اثبات ائتدی. بو محاربه ده اوکتیابر انقلابینین نتیجه لرینی بشریته دشمن اولان امپریالیزم آیدینجا دوشونه رک اونون یئر اوزونده نه کیمی تأثیر ائتدیگینه ده ایمان گتیردی.

شوروی ملتلرینین، داها دوغروسو اوکتیابر انقلابینین قوجاغیندا پرورش تاپان سووئت اتفاقی خالقلارینین فاشیزمه قارشی آپاردیقلاری آمانسیز محاربه بو مقدس انقلابین نه کیمی محکم پایه لری اوزه رینده قرار توتدوغونو جانلی بیر شکیلده بوتون دونیا ملتلرینه ثابت ائتمیشدیر.

یالنیز اوکتیابرین ایلهام وئریجی شرفلی انقلابی سایه سینده ایدی کی، قودورغان باسغیجی قوه لرین قارشیسیندا شوروی ملتلری میلونلارجا قربانلیق وئردیکدن سونرا دایانیب و اونلاری بوغماغا محکوم ائتدیلر.

اوکتیابر بایرامی تک شوروی میلتلرینین بایرامی دئییل، بوتون دنیا زحمتکشلرینین بایرامی ساییلیر.استثمار و استعمار زنجیرینده اینله نن زحمتکشلر اؤزلرینه نجات وئرمک اوچون بو مقدس گوندن ایلهام آلیرلار.

 دنیا زحمتکشلری بو ایل اوکتیابر بایرامینی صلح شرطلری آلتیندا توتماقلا برابر بیلمه لیدیرلر کی، یالنیز اونلارین بیرلیگی و سارسیلماز وحدتلری بشریتین آزادلیغینا ضامیندیر. 

فاشیزم اؤلموشسه ده فاشیزمین آناسی اولان امپریالیزم قالیر و اونلارین آزادلیغین هده له ییر.

زحمتکشلر اؤز اجتماعی قدرتلریندن بشریتین کؤله لیگینه سون قویماق اوغروندا غلبه لردن- غلبه لره دوغرو حرکت ائتملیدیر.

ملتلرین اراده سیندن باشقا هئچ بیر زاد بشریتین آزادلیغینا ضامین اولا بیلمز...

یاشاسین دنیا زحمتکشلرینین مقدس و شرفلی بایرامی اوکتیابر!...

"آذربایجان" قزئتی، نمره ۵۵ (٣۴۴)

آذربایجان دمکرات فرقه سینین اورقانی

١۷ آبان سال ١٣۲۵

 

 

 

 

 

Go Back

Comment