header photo

آذربایجان دمکرات فرقه سی مرکزی کمیته سی صدرینین بیلدیریشی

آذربایجان دمکرات فرقه سی مرکزی کمیته سی صدرینین بیلدیریشی

  حرمتلی هم وطنلر !

  آذربایجانلی  باجی لار  و  قارداش لار !

  آذربایجان دمکرات فرقه سینین عضولری و طرفدارلاری !

  بیر ایککی گون بوندان اَول خبریم الدو کی  رحیم حسین زاده، سیاسی بیرونون عضوو، تشکیلاتی پرنسیپ لر و نظامنامه نی کوبودجاسی نا  پُوزاراق، منیم خسته لیگیمی بهانه ائدیب و سیاسی بیرونون خبری اُلمادان، 6 جولای 2019 تاریخینده، ائوزباشینا نچه نفری بیر یره ییغیب و یالاندان بو ییغینجاغا «آذربایجان دمکرات فیرقه سی مرکزی کمیته سی پلنومو» آدی وریب. اُ ، همین ییغینجاق دان سونرا، ائوز حیاسیز بیاناتین دا، فیرقه نین صدرینی وظیفه دن کنارلاشدیریب، سیاسی بیرو و مرکزی کمیته نی لغو ائدیب، و آنجاق ائوزباشینا ائوزونو فیرقه نین تکباشاینا اجراچی رهبر آدلاندیریب.

  بورادا اعلان ائدیرم کی :

1-رحیم حسین زاده باقیشلانا بیلمز کوبود سهوه یول وریب. اُ  فیرقه سیرالاریندا نفاق  سالماق و فیرقه نی محو ائتمک یولونا باشلایب.

من بو ایشلری تامامیله پیسله یب و رد ائدیرم.

2-رحیم حسین زاده طرفیندن قورولان ساختا پلنوم دا سیاسی بیرو و مرکزی کمیته سینین چوخلوغونو تشکیل ائدن عضولر اُلمایب لار. بو ییغینجاغ دا اشتراک ائدنلرین بویوک اکثریتی یا فرقه نین ساده عضولری اُلوب، یا دا هچ وقت فیرقه یه عضو اُلمیانلار اُلوب(!)، یا 10 ایل دن آرتیق فیرقه نین حیاتین دا اشتراکی اُلمایان لار اُلوب.

بله لیک له، بو ییغینجاق نه اینکی مرکزی کمیته نین پلنومی سایلا بیلمز، حتی غیررسمی ده اُلسا، اُنو هچ مرکزی کمیته عضولرینین ساده جه بیر یرده توپلانماسی دا آدلاندیرماق اُلماز.

3-آذربایجان دمکرات فیرقه سینین تاریخی اهمیتی اُلان مُهُرنو رحیم حسین زاده طرفیندن ائوزباشینا نشر اُلونموش بیانات لاردا ایشله تمک، اخلاق و صداقت و آمانات ساخلاماق پرنسیپ لری ایله تامامیله ضدیت تشکیل ائدیر.

بیلدیرمه لیم کی بیر نچه فخری دیپلوما مُهُر وورماق ایچون فرقه نین مُهُرنو فرقه نین ایشچی سی نادره تحویل ورمیشدیم. بو ایشچی نین هچ حاقی یوخ ایدی کی فرقه نین مُهُرنو صلاحیتی اُلمایان رحیم حسین زاده نین اختیارینا ورسین.

4-آذربایجان دمکرات فرقه سی تشکیلات شعبه سی کاتیبی نین بورجو دور کی تِز بیر وقت ده سیاسی بیرونون اجلاسی نی تشکیل ائدیب و اُنلارین امکداشلیقی ایله مرکزی کمیته سی نین گنیش و فوق العاده پلنومونا حاضرلیق گورسون لر.

رحیم حسین زاده نین ائوزباشینا ائتمیش عمللر حاقیندا، هابله اوچ-دورت نفر مرکزی کمیته سینین عضولری و باشقالاری کی بو عمللرده، اُ یالان پلنوم دا، اُنون لا  هم راٌی اُلوب امکداشلیق ائدنلر حاقیندا قرارلار، اُ جمله دَن جزا قرارلاری چیخارتماق، مرکزی کمیته سینین پلنومو صلاحیتی نده دیر. بو اُنلارین بورجو دور کی هر بیر خطا ائدنلر حاقیندا تک تک قرار قبول ائتسینلر.

آذربایجان دمکرات فرقه سی مرکزی کمیته سینین صدری

واله قلی زاده

14 جولای 2019

Go Back

Comment